احكيها صح ليش خايف؟!

 بقلم ثائرٍ
((تعليقا على الأحداث الأخيرة 30-9-2017م))

أنت أنت اللي عم تعلق كل خيباتك وهزائمك على #تركيا وغيرها وماعملت شي لشعبك وثورته .. الكﻻم لإلك مو لغيرك

قل لي ما #المطلوب_من_أردوغان حتى أحكيلك معه بلكي بترضى عليه حضرة جنابك

بدك #هدنة ؟!
تكرم بس ﻻ تخرقها وتحط الحق على #أردوغان

مابدك هدنة ؟!
تكرم ، شمِّر عن زنودك واضرب #النظام في عقر داره وﻻ تعملِّي معارك خلبية على مزابلك حتى إذا انقلبت المزبلة على راسك ماتقول أردوغان طمرك بالزبالة.

بدك #تدخل_عسكري تركي؟؟
تكرم بس ﻻ تقول بعد ما يدخلوا ويعملولك مؤسسات وحظر طيران هدول الأتراك محتلين …

ما بدك يتدخلوا عسكرياً ؟؟
اي مو تكرم منحكي معهن ما يتدخلوا
بس ﻻ تقول عنهم: “خذلونا وما ساعدونا في القضاء على فوضى الفصائل” ولا تقول: “تركونا للروس والإيرانيين ونحن ما عم نحسن نصدهم”

بدك يفتحوا حدودهم ؟
تكرم بس ﻻتقول : “فتحوها عشان يدخلوا الإرهابيين”

مابدك يفتحوا #الحدود ؟
حقك تكرم بس ماتقول : “الأتراك اوﻻد حرام ورطونا وسكروا حدودهم”.

بدك يسقطولك النظام ؟
تكرم ، بس ما تقول إذا سقطوه : “عدو جدك ما يودك”

مابدك يسقطوه ؟
تكرم بس ماتقول : “الأتراك حبايب بشار من تحت الطاولة …”

حبيبي من اﻵخِر
#الشعب لما قام بثورته ما كان مستني دعم حدا وﻻ مؤتمر بأمر حدا
لما طال الصراع وتفاقمت المعاناه من الطبيعي أن يتلقى دعم لحتى تستمر #الثورة

وحتى يستطيع #النظام قطع #الدعم عن #الثورة سعى النظام الى تخوين وتشويه وتكفير كل من يساند #الشعب_السوري عن طريق جيش الكتروني عرمرم مأجور … و قد نجح!!
وكان سر نجاحه هو تصديق امثالك لإشاعاته المغرضة.

أﻻ تﻻحظ أنك اصبحت ببغاء يردد كل مايقوله النظام وما زلت تظن انك ثائر ضده

أقول قولي هذا ليس دفاعاً عن #أردوغان وﻻ عن تركيا و ﻻ غيرها
ويعلم من يعرفني أن ظفر أصغر سوري عندي أغلى من ملوك اﻷرض جميعاً
و ما قولي إﻻ من باب النصح لمن استعدى ضدنا كل أهل الأرض ولم يترك لنا صديق، وهو يحسب أنه يقول الحق وينظر للثورة و داعميها وحتى ﻷعدائها!!